Malabon City — Hawak rehas ang dalawang suspek kasama ang isang High Value Individual sa isinagawang buy-bust operation ng mga tauhan ng Malabon City Police Station nito lamang Huwebes, Marso 2, 2023
Kinilala ni Police Brigadier General Ponce Rogelio Peñones Jr., District Director ng Northern Police District, ang mga suspek na sina alyas “Darwin” (Pusher/Newly Identified), 38; alyas “Buddy” (UserListed), HVI, 48; alyas “Kayang” (User/Newly Identified), 46, pawang mga residente ng Malabon City.
Ayon kay PBGen Peñones Jr, dakong 4:00 ng madaling araw nang maaresto ang tatlong suspek sa kahabaan ng Salmon Street corner Salinas Street ng Brgy. Longos sa Malabon City ng mga tauhan ng Station Drug Enforcement Unit ng nasabing istasyon.
Nakumpiska sa mga suspek ang apat na piraso ng heat-sealed transparent plastic sachet ng hinihinalang shabu na tumitimbang ng higit kumulang 65.2 gramo at may Standard Drug Price (SDP) na Php443,360; isang itim na OPPO Android cellular phone; isang itim na leather belt bag; at isang piraso ng tunay na Php500 na may kasamang labing-isang piraso ng Php1,000 na peke/boodle money.
Paglabag sa Sec. 5 at 11, Art. II ng RA 9165 o Comprehensive Dangerous Drugs Act of 2002 ang isinampang kaso laban sa mga suspek.
Mas paiigtingin naman ng mga tauhan ng Malabon CPS ang kampanya kontra ilegal na droga upang puksain ang talamak na bentahan sa lungsod upang patuloy na magkaroon ng kapayapaan at kaayusan sa kanilang nasasakupan.
Source: NPD PNP
Panulat ni PSSg Gargantos
