Mt. Province – Nailigtas ang tatlong construction worker sa isinagawang Search and Rescue Operation ng mga tauhan ng Bauko Municipal Police Station sa Luis Hora Memorial Regional Hospital Compound, Abatan, Bauko, Mountain Province nito lamang ika-1 ng Marso 2023.
Pinangunahan ng Bauko Municipal Police Station katuwang ang BFP Bauko, 2nd Platoon 1st Provincial Mobile Force Company at LHMRH ang nasabing operasyon.
Kinilala ang tatlong biktima na sina alyas “Mark”, residente ng Pozzorubio, Pangasinan at alyas “Rodante”, residente ng Pozzorubio, Pangasinan at “Bernes”, na dineklarang dead-on-arrival.
Ayon sa ulat ng Bauko MPS, ang tatlong biktima ay nag-install ng steel footing nang biglang gumuho ang lupa at natabunan ang tatlong construction worker.
Samantala, nanawagan naman ang Bauko PNP na maging maingat sa lahat ng gagawin upang makaiwas sa anumang uri ng kalamidad at aksidente.
Source: Bauko Municipal Police Station
