Naglunsad ng isang Bloodletting Activity ang kapulisan ng Police Regional Office sa pangunguna ng Regional Medical and Dental Unit 6 at Regional Community Affairs and Development Division na ginanap sa Camp General Martin Teofilo Delgado, Fort San Pedro, Iloilo City ngayong araw, Miyerkules, March 1, 2023.
Ang programa na may temang “Donate Blood as a Gift, a Little Pain, a Life Gain” na inisyatibo ng Regional Medical and Dental Unit 6 sa pangunguna ni PLtCol Donnabel L Gocon, Deputy Chief ng RMDU 6 at sa pakikipagtulungan sa Western Visayas Medical Center, Regional Blood Bank Center.
Dumalo sa naturang programa si PBGen Leo M Francisco, Regional Director ng PRO6 at si Dr. Gerome Bagares, Resident Physician ng Department of Pathology ng Western Visayas Medical Center bilang panauhing pandangal at tagapagsalita kasama ang mga Command Group at Chief Regional Staff ng PRO6.
Sa naturang aktibidad ay naging pangunahing blood donors ang nasa 300 police personnel na kasalukuyang sumasalailalim sa Basic Internal Security Operation Course na magtatapos ngayong Marso.
Pinasalamatan ni Dr. Bagares ang kapulisan ng PRO6 sa pagiging magandang ihemplo nito sa komunidad kaugnay sa importansya ng pagdodonate ng dugo upang makatulong kapwa.
Samantala, binigyang diin naman ng PBGen Francisco ang kahalagahan ng pagdodonate ng dugo upang maipamahagi at makatulong sa ating mga kapulisan at sa kanilang mga mahal sa buhay na dumaranas ng mga sakit at mga bikitima ng aksidente na nangangailangan ng karagdagan at pagsasalin ng panibagong dugo.
Ang nasabing bloodletting ay isinasagawa kada tatlong buwan sa isang taon na kung saan napapanatili nito ang sapat na supply ng dugo upang matulungan at matugunan ng mabilis ang ating kapulisan gayundin ang kanilang mga kamag-anak sa oras ng pangangailangan dugo.
