Cebu City – Huli sa halos magkasabay na anti-drug operation ng mga operatiba ng Police Station 5 ng Cebu City Police Office ang isang dalagita at menor de edad noong Pebrero 27, 2023.
Ayon kay Police Major Kenneth Paul Albotra, Station Commander ng Police Station 5, bandang alas-9:15 ng gabi nang maaresto ang suspek na kinilalang si alyas “Kemo”, 16, sa operasyon ng naturang istasyon sa Sitio Kastilaan, Barangay Ermita, Cebu City.
Nasabat sa suspek ang tinatayang nasa 20 gramo ng shabu na nagkakahalaga ng nasa Php136,000.
Sa kaparehong operasyon, nadakip naman dakong alas-9:25 ng gabi ang 18-taong gulang na dalagita na kinilalang si alyas “Kala” sa El Filibusterismo St., Barangay Ermita, Cebu City matapos makupiskahan ng nasa 17 gramo ng shabu na may halagang Php115,600.
Maliban sa mga droga ay nasamsam din ang mga ginamit na lagayan ng mga droga at buy-bust money sa operasyon.
Paglabag sa Sec. 5 at 11, Art. II ng RA 9165 o ang Comprehensive Dangerous Drugs Act of 2002 ang isasampang kaso laban sa mga suspek.
Kaugnay ng matagumpay na operasyon ay pinuri at pinasalamatan ni Police Colonel Ireneo Dalogdog, City Diretor ang buong hanay ng PS 10 para sa katangitanging pagganap ng kanilang tungkulin at sa solidong suporta at pakikiisa ng mamamayan upang lutasin ang problema sa ilegal na droga sa lungsod.
