Basilan – Nakiisa sa isinagawang roll-out ng “Buhay Ingatan Droga’y Ayawan” ( BIDA) ang mga kapulisan ng Lamitan City Police Station sa Lamitan City Pier, Barangay Kulay Bato, Lamitan City, Basilan nito lamang ika-27 ng Pebrero 2023.
Ang naturang aktibidad ay pinangunahan ng Barangay Kulay Bato katuwang ang Lamitan City PNP sa pangangasiwa ni Police Lieutenant Colonel Arlan Delumpines, Chief of Police, at 3rd Regional Mobile Force Company, RMFB BASULTA MILG, LGU, barangay officials, KKDAT, BPATs member, Advocacy Support Groups at Drug surrenderers.
Naging matagumpay ang programa sa pamamagitan ng zumba dance at Information Drive na nagsilbing tanglaw ng pag-asa sa paglaban sa ilegal na droga.
Ito ay isang hakbang patungo sa tamang direksyon na magpapalakas ng kamalayan sa komunidad, upang mabawasan ang demand ng droga sa pamamagitan ng pagsali sa kanila sa mga aktibidad laban sa ilegal na droga. Malaki ang maiaambag ng aktibidad na ito sa pagbabawas ng paglaganap ng droga sa pamamagitan ng edukasyon, multi-sectoral engagement at partisipasyon ng komunidad.
Panulat ni Patrolman Charlie Nasroden Corpuz
