Leyte – Matagumpay na pinasinayaan at itinurn-over ng Pamahalaang Lungsod ng Baybay ang bagong gusali ng PNP Sub-Station 2 – Baybay City Police Station na ginanap sa Brgy. Pangasugan, Baybay City, Leyte noong Pebrero 27, 2023.
Pormal namang tinanggap ni Police Brigadier General Francisco Marbil, Regional Director, Police Regional Office 8 ang symbolic key ng Sub-Station.
Ang nasabing sub-station ay donasyon ng Pamahalaang Lungsod ng Baybay sa pamamagitan ng pagsisikap ni Hon. Jose Carlos L. Cari, City Mayor ng Baybay, Leyte at sadyang inilagay sa compound ng Visayas State University, Baybay City dahil sa dumaraming populasyon sa loob ng campus na ito.
Sa mensahe ni Mayor Cari, ang Sub-Station ay bunga ng pagtutulungan ng Pamahalaang Lungsod ng Baybay, Visayas State University at Philippine National Police.
Dumalo rin sa seremonya sina Police Lieutenant Colonel Joemen Collado, Chief of Police ng Babay CPS; Police Lieutenant Colonel Manuel Bayaona Jr, Force Commander ng 1st LPMFC; Hon. Jose Carlos “Boying” Cari, Baybay City Mayor; Hon. Ernesto Butawan, Baybay City Vice-Mayor; Atty. Florante Cayunda Jr., Baybay City Administrator; Dr. Edgardo E. Tulin, VSU President at iba pang mga bisita.
Nagpahayag naman ng taos-pusong pasasalamat si PBGen Marbil sa Pamahalaang Lungsod ng Baybay City sa walang hanggang suporta nito sa PNP, “Talagang natutuwa ako at nagpapasalamat sa ganitong uri ng suporta. Talagang malaking tulong ito sa aming paghahatid ng serbisyo.”
