Pampanga – Naharang ng magkasanib na elemento ng PNP Aviation Security Group at Bureau of Immigration ang isang paparating na pasahero mula sa Qatar sa Clark International Airport, Clark Freeport Zone, Clarkfield, Pampanga nito lamang Pebrero 26, 2023.
Nakilala ni Police Colonel Florencio Soriano Jr, Hepe ng AVSEU 3, ang pasahero na si alyas “Freddie”, residente ng Sta. Ignacia, Tarlac, 60 taong gulang.
Ayon kay PCol Soriano, ginawa ang pag-aresto matapos madiskubre ng Bureau of Immigration na may existing Arrest Warrant ang paparating na pasahero dahil sa kasong Falsification of Public Document.
Dinala ang inarestong pasahero sa Clark International Airport Police Station para sa dokumentasyon at kalaunan ay itinurn-over sa Sta. Ignacia Municipal Police Station, Tarlac.
Tinitiyak naman ng Aviation Security Group sa pangunguna ni PBGen Anthony A Aberin, Direktor ng PNP AVSEG, na mas pagbubutihin at paiigtingin pa nila ang seguridad sa bawat paliparan upang masiguro ang kaligtasan ng bawat umaalis at dumadating na pasahero.
