Makati City — Tinatayang Php105,400 halaga ng shabu ang nasabat sa dalawang drug pusher sa buy-bust operation ng Makati City Police Station nito lamang Linggo, Pebrero 26, 2023.
Kinilala ni Police Brigadier General Kirby John Kraft, District Director ng Southern Police District, ang mga suspek na sina alyas “Badet”, 44 at alyas “Juvi”, 50.
Ayon kay PBGen Kraft, bandang 5:50 ng hapon nang maaresto sina alyas “Badet” at alyas “Juvi” sa kahabaan ng Ocampo St., Brgy. Pio Del Pilar, Makati City ng mga operatiba ng Makati City Police Station Drug Enforcement Unit (SDEU).
Nasamsam ang tatlong heat-sealed transparent plastic sachet na naglalaman ng hinihinalang shabu na humigit-kumulang 15.50 gramo na may Standard Drug Price na Php105,400, isang coin purse at isang genuine na Php500 na ginamit bilang buy-bust money.
Kasong paglabag sa Section 5 at 11 ng Art II ng RA 9165 o Comprehensive Dangerous Drugs Act of 2002 ang kahaharapin ng dalawang suspek.
Tuloy-tuloy naman ang SPD sa pagsasagawa ng mga operasyon upang mahuli ang mga may pananagutan sa batas at tuluyang makamit ang kapayapaan sa bansa.
Source: SPD PIO
Panulat ni PSSg Remelin M Gargantos
