Bohol – Naaresto ng Bohol PNP ang tinaguriang Top 6 Provincial Most Wanted Person sa kasong may kinalaman sa ilegal na droga sa Purok 4, Barangay Bool, Tagbilaran City, Bohol nito lamang Sabado, Pebrero 25, 2023.
Kinilala ni Police Lieutenant Colonel Regie Palis Real, Chief of Police ng Tagbilaran City Police Station, ang suspek na si Alias “Char”, 56, residente ng nabanggit na lugar.
Ayon kay PLtCol Real, bandang 9:45 ng umaga naaresto ang suspek sa isinagawang joint operation ng mga operatiba ng Tagbilaran City Police Station sa pangunguna ni Police Captain Agosto Cesario Sumaylo, CIDG Bohol PFU, CMFC-CCPO, PMFC-BPPO, RIU 7, RID 7, 702nd MC RMFB 7 at MARPSTA 7.
Ayon pa kay PLtCol Real, inihain sa suspek ang Warrant of Arrest sa kasong paglabag sa Sec. 11 Art II ng RA 9165 o ang Comprehensive Dangerous Drugs Act of 2002.
Ang tagumpay ng Pambansang Pulisya sa paghahain ng kaso sa suspek ay bunga ng pakikipagtulungan ng mamamayan at sa walang sawang pagsisikap ng ating mga kapulisan sa pagpapaigting ng kampanya laban sa ano mang uri ng kriminalidad sa lungsod upang mapanatili ang kapayapaan at kaligtasan ng komunidad.
