Negros Oriental – Nagsagawa ng Community Outreach Program ang mga tauhan ng Siaton Police Station sa Barangay Giliga-on, Siaton Negros Oriental nito lamang ika-25 ng Pebrero 2023.
Ang aktibidad ay pinangunahan ni Police Major Ricky Dacotdacot, Acting Chief of Police ng Siaton Police Station katuwang ang Faith-Based Leaders at Barangay Officials ng lugar.
Naisagawa ang aktibidad sa pamamagitan ng feeding program at pamamahagi ng tsinelas sa humigit kumulang 50 na mga bata.
Ito ay kaugnay sa programa ng PNP na MKK=K (Malasakit, Kaayusan, Kapayapaan, tungo sa Kaunlaran) at sa paglulunsad ng Revitalized PNP KASIMBAYANAN Program na naglalayong matulungan ang mga bata na lubos na nangangailangan.
Patuloy na magsasagawa ng ganitong aktibidad ang Siaton PNP upang isulong ang pagkakaisa tungo sa ligtas at maunlad na pamayanan.
