Eastern Samar – Muling umarangkada ang Mobile Canteen na programa ng Oras Municipal Police Station na isinagawa sa Brgy. Bantayan, Oras, Eastern Samar nitong Linggo, Pebrero 26, 2023.
Naging matagumpay ang aktibidad sa pangunguna ni Police Executive Master Sergeant Baltazar Lim, MESPO, sa ilalim ng direktang pangangasiwa ni Police Captain Arvin Noroña, Officer-In-Charge ng Oras Municipal Police Station.
Nakilahok din sa naturang aktibidad ang Oras Municipal Advisory Council, Lingkod Bayan Advocacy Groups at Force Multipliers ng Brgy. Bantayan sa pamumuno ni Hon. Florencio M. Cillo, Barangay Captain.
Nasa humigit kumulang 75 na bata ang nakatanggap ng meryenda mula sa ating kapulisan at Bubble Kit na sponsored ni Mr. Nonie Belarmino.
Tinitiyak ng Oras MPS na patuloy silang paglilingkod at maghahatid tulong at saya sa mga residente lalong lalo na sa mga kabataan ng kanilang nasasakupan.
