Cebu City – Kalaboso ang dalawang lalake na tulak ng ilegal na droga sa magkasunod na buy-bust operation na inilunsad ng mga operatiba ng Police Station 5, Cebu City Police Office noong Sabado, Pebrero 25, 2023.
Ayon kay Police Major Kenneth Paul C Albotra, Station Commander ng Police Station 5, dakong alas-9:45 ng gabi ng nadakip ng mga pulisya ang suspek na kinilalang si alyas “Japjap”, 18, binatilyo at residente ng Brgy. Kamagayan, Cebu City sa ikinasang operasyon sa F. Gonzales St., Brgy. Ermita, Cebu City.
Nasamsam sa suspek ang nasa 16 na gramo ng hinihinalang shabu na may halaga na Php108,000.
Sa kaparehong araw, bandang alas-10:05 ng gabi ay naaresto ng pulisya si alyas “Charles”, 31, sa kanilang lugar sa Sitio Bato, Barangay Ermita, Cebu City matapos makumpiska mula rito ang nasa 18 gramo ng shabu na nagkakahalaga ng nasa Php122,400.
Ang mga suspek ay nahaharap sa kasong paglabag sa Sec. 5 at 11, Art. II ng RA 9165 o Comprehensive Dangerous Drugs Act of 2002.
Ang matagumpay na operasyon at pagkakadakip ng mga suspek ay bunga at bahagi ng patuloy na paglulunsad ng Cebu City PNP sa maigting at mahusay na kampanya kontra ilegal na droga para sa kaayusan, kapayapaan, at kaligtasan ng mamamayan.
