Quezon – Nagbahagi ng kaalaman patungkol sa RA 9262 ang mga tauhan ng Tayabas City Police Station sa mga KALIPI o Kalipunan ng Liping Pilipina at kawani ng Brgy. Mate, Tayabas City, Quezon nito lamang Linggo, Pebrero 26, 2023.
Pinangunahan ang aktibidad ni Police Staff Sergeant Jessica Sedenio, Police Community Affairs Division PNCO sa ilalim ng superbisyon ni Police Lieutenant Colonel Bonna Obmerga, Acting Chief of Police ng Tayabas City Police Station.
Ang Katipunan ng Liping Pilipina ng Tayabas City Chapter ay pinamunuan ni Gng. Gemma Daep, President, ay naglalayon na bigyang kapangyarihan ang mga kababaihan sa pamamagitan ng mga aktibidad sa komunidad at mga programang pangkabuhayan.
Ibinahagi ng Tayabas City PNP ang kaalaman patungkol sa Republic Act 9262 o Anti-Violence Against Women and Their Children Act of 2004 sa 35 kababaihan at opisyales ng naturang barangay.
Layunin ng aktibidad na alisin ang diskriminasyon sa pamamagitan ng pagkilala, proteksyon, katuparan, at pagtataguyod ng mga karapatan ng kababaihang Pilipino, lalo na ang mga kabilang sa marginalize na sektor ng lipunan.
Panulat ni PEMS Joe Peter Cabugon/RPCADU4A
