Basilan – Nakiisa ang mga kapulisan ng 3rd Regional Mobile Force Company ng RMFB BASULTA sa isinagawang Community Outreach Program sa Brgy. Malinis, Lamitan City, Basilan nito lamang ika-25 ng Pebrero 2023.
Ang naturang aktibidad ay pinasimulan ng Lamitan City Alliance Evangelical Church katuwang ang 3rd RMFC-RMFB BASULTA sa pamumuno ni Police Captain Kiefer Dean Beray, Company Commander, at 53rd Special Action Company ng PNP-SAF.
Naging matagumpay ang aktibidad sa pamamagitan ng libreng gupit, libreng tuli at pagtuturo sa mga bata ng tamang paraan ng pagkulay sa mga coloring materials.
Ito ay alinsunod din sa programa ng Hepe ng Pambansang Pulisya na “MKK=K o Malasakit, Kaayusan, at Kapayapaan tungo sa kaunlaran” na naglalayong mas mapagtibay ang relasyon ng kapulisan at mamamayan.
Panulat ni Patrolman Charlie Nasroden Corpuz
