Isabela – Nagsagawa ng simple ngunit espesyal na Community Outreach program ang mga kababaihang pulis ng 2nd Isabela PMFC na pinamumunuan ni PLtCol Dennis M Pamor na ginanap sa Brgy. San Isidro, Cauayan City, Isabela noong ika-25 ng Pebrero 2023.
Sa nasabing aktibidad ay isinagawa ang Feeding Program at Adopt a Family para sa mga informal settlers ng nasabing barangay.
Masasabing espesyal ang aktibidad dahil muling binisita ng kapulisan sina Lola Remedios na 103 taong gulang at Tatay Romy, 57 taong gulang na putol ang kabilang paa upang handugan ng food packs at suriin ang Blood Pressure na isinagawa ng Nurse Pulis ng 2nd IPMFC.
Labis ang tuwa at pagkasabik nina Lola Remedios at Tatay Romy sa mga kapulisan at matamis na pasasalamat ang handog pabaon.
Layunin ng aktibidad na makatulong at makapagbigay ngiti sa mga kapus-palad na pamilya at iparamdam ang tunay na malasakit sa mamamayan.
Source: 2nd Isabela PMFC
Panulat ni PSSg Jerlyn V Anmos
