Quezon – Nagsagawa ng PNP “Project Juana” at OPLAN Bisita Eskwela I am Strong program ang Quezon Police Provincial Office at Local Government Unit sa Covered Court, San Nicolas Elementary School, Brgy. San Nicolas, Macalelon, Quezon ganap na 10:00 ng umaga nitong Sabado, Pebrero 25, 2023.
Ang aktibidad ay pinangunahan ni Police Major Elizabeth Capistrano, Asst. Chief, Police Community Affairs and Development Unit sa ilalim ng superbisyon ni Police Colonel Ledon Monte, Provincial Director ng Quezon PPO at Local Government Unit sa pangunguna ni Mayor Artemio Mamburao ng Macalelon, Quezon, katuwang ang Macalelon Municipàl Police Station, at 2nd Quezon Provincial Mobile Force Company.
Namahagi ng kaalaman ang grupo patungkol sa Gender and Development, Republic Act 9262 o Violence Against Women and Their Children Act of 2004, RA 8353 o Anti-Rape Law, RA 11313 o The Safe Spaces Act (Bawal Bastos Law) at Executive Order 70 o National Task Force to End Local Communist Armed Conflict.
Nagsagawa din ng Livelihood Training ang mga naturang grupo kasunod ang pamamahagi ng mga bigas at food packs sa mga residente.
Hindi rin matawaran ang tuwa at saya ng 50 estudyante na nabigyan ng Jollibee food meal at mga laruan.
Ang aktibidad ay multi-collaborated na programa na naglalayong ipakita ang PNP responsive policing kasama ang Local Government Unit at mga stakeholder sa pamamagitan ng aktibong pakikilahok ng komunidad sa pagpapahusay ng pagpapatupad ng batas at mga aktibidad sa peacekeeping sa buong probinsya.
Panulat ni PEMS Joe Peter Cabugon/RPCADU4A
