Capiz – Nakuhanan ng higit sa Php400,000 halaga ng shabu ang isang High Value Individual sa isang drug bust operation na ikinasa ng mga operatiba ng Capiz PNP sa Barangay Bitoon Ilaya, Cuartero, Capiz nito lamang Pebrero 23, 2023.
Kinilala ni Police Major Christian Mahometano, Acting Chief of Police ng Cuarteros MPS, ang suspek na si Emmanuel Frebaldos, 26, residente ng Barangay Sta. Rita sa bayan ng Dumalag, Capiz at nahuli ng mga operatiba ng Capiz PPDEU, SDET ng Cuartero, Dumarao at Dao MPS.
Ayon kay PMaj Mahometano, si Frebaldos ay naitala bilang HVI at Top 10 sa drugs watchlist ng kapulisan sa Lalawigan ng Capiz na isa ring dating drug surrenderee.
Narekober naman mula sa suspek ang 12 sachets ng pinaghihinalaang shabu na may tinatatayang bigat na 56 gramo at may Standard Drug Prize na Php401,200.
Nahaharap ang susoek sa kasong paglabag sa RA 9165 o Comprehensive Dangerous Drugs Act of 2002.
Patuloy ang Capiz PNP sa pagpapanatili ng kaayusan sa probinsya ng Capiz at sa mas pinaigting nitong kampanya kontra ilegal na droga.
