Leyte – Kumpiskado ang isang granada at ilegal na droga matapos magsagawa ng Search Warrant operation ang PNP at PDEA 8 sa Brgy Sta. Isabel, MacArthur, Leyte nito lamang ika-24 ng Pebrero 2023.
Narekober sa bahay ni alyas “Ben” na residente ng Brgy. Sta Isabel, MacArthur, Leyte, ang 8 plastic sachet sa loob ng isang doublemint box na naglalaman ng pinaghihinalaang shabu na may estimated value na Php10,000, mga drug paraparnelia, at isang granada.
Naging matagumpay ang isinagawang Search Warrant sa pinagsanib pwersa ng mga composite team ng MacArthur Municipal Police Station sa pangunguna ni Police Major Romeo Q Sudario, Jr., Acting Chief of Police kasama ang Provincial Drug Enforcement Unit at Provincial Intelligence Unit ng Leyte PPO at sa koordinasyon sa PDEA 8.
Ayon kay PMaj Sudario, ang asawa lamang ng suspek ang kanilang nadatnan nang isagawa ang operasyon.
Patuloy naman ang kapulisan sa paghahanap sa suspek at nananawagan din sa publiko na ipagbigay alam kaagad sa mga awtoridad ang kinaroroonan nito.
