Butuan City – Tinatayang nasa Php108,800 halaga ng hinihinalang shabu ang nakumpiska sa tinaguriang Top 1 Regional Priority Target at kasama nito sa ikinasang Search Warrant nito lamang Miyerkules, Pebrero 22, 2023.
Kinilala ni Police Brigadier General Pablo Labra II, Regional Director ng Police Regional Office 13, ang nadakip na Regional Priority Target na si alyas “Liloy”, 26 at ang kasama nito na si alyas “Jokang”, 39, kapwa mga residente ng Purok Maguimbuhaton, Brgy. Agusan Pequeño, Butuan City.
Ayon kay PBGen Labra II, bandang 4:00 ng hapon nang isagawa ang operasyon sa nabanggit na lugar ng mga tauhan ng Butuan City Drug Enforcement Unit ng Butuan City Police Station 4 at PDEA Agusan del Norte sa bisa ng Search Warrant No. 2023-02-21-01.
Nakumpiska sa dalawang suspek ang 10 piraso ng heat-sealed transparent sachets na naglalaman ng hinihinalang shabu na tumitimbang ng 16-gramo at may Standard Drug Price na Php108,800; Php200 na cash; isang keypad phone; isang asul na Vivo cellphone; isang itim na coin purse; isang Honda XRM na may Plate No. 7354IB; at mga drug paraphernalia.
Nahaharap ang dalawang suspek sa kasong paglabag sa RA 9165 o Comprehensive Dangerous Drugs Act of 2002.
Patuloy ang Caraga PNP sa pagpapaigting ng operasyon kontra ilegal na droga upang mapangalagaan ang komunidad sa anumang banta ng krimen sanhi ng bawal na gamot.
Panulat ni Patrolman Jhunel Cadapan/RPCADU13
Good Job Team PNP