Zambales – Naghatid ng tulong at saya ang San Antonio PNP sa mga residente ng Brgy. East Dirita, San Antonio, Zambales nito lamang Huwebes, ika-23 ng Pebrero 2023.
Ang naturang aktibidad ay pinamunuan ni Police Major Noel Sitjar, Acting Chief of Police ng San Antonio Municipal Police Station kasama ang Kaligkasan Volunteers, Faith-Based at Force Multipliers ng nasabing lugar.
Umabot sa 85 na benepisyaryo ang nabigyan ng libreng bigas, noodles, at delata mula sa San Antonio PNP.
Lubos ang pasasalamat ng mga residente sa tulong na handog ng mga awtoridad at mga Advocacy Support Group.
Sinisiguro ng Zambales PNP ang patuloy na paghahatid ng serbisyo at mapagtibay ang ugnayan ng PNP at pamayanan.
Source: San Antonio Municipal Police Station
Panulat ni Police Corporal Jeselle Rivera/RPCADU3
