Valenzuela City — Tinatayang Php136,000 halaga ng shabu ang nasamsam sa isang lalaki sa isinagawang buy-bust operation ng Valenzuela City Police Station nito lamang Huwebes, Pebrero 23, 2023.
Kinilala ni PBGen Ponce Rogelio Peñones Jr., District Director ng Northern Police District, ang suspek na si alyas “Jake”, 20, residente ng Pearl Island, Lawang Bato, Valenzuela City.
Ayon kay PBGen Peñones Jr, naaresto si alyas “Jake”, dakong 5:00 ng madaling araw sa kahabaan ng Santolan Footbridge, Service Road, Gen T De Leon, Valenzuela City ng mga operatiba ng Station Drug Enforcement Unit SDEU ng Valenzuela CPS.
Narekober sa suspek ang apat na heat-sealed transparent plastic sachet na naglalaman ng hinihinalang shabu, isang tunay na Php500 na may kasamang 23 piraso na pekeng Php500 na ginamit bilang buy-bust money, apat na piraso ng Php100, isang coin pouch, isang unit ng Mio Sporty Scooter na kulay puti na may MV file number 0301-0316799, at isang unit ng Android cellphone (REDMI).
Mahaharap sa kasong paglabag sa Sections 5 at 11 sa ilalim ng Article II ng RA 9165 o Comprehensive Dangerous Drugs Act of 2002 ang isasampa laban sa naarestong suspek.
Ang Pambansang Pulisya ay mananatiling agresibo sa pagpapatupad ng mga batas lalo na sa mga ilegal na nagbebenta at gumagamit ng ilegal na droga nang sa gayo’y makamit ang drug free na bansa.
Source: NPD PIO
Panulat ni PSSg Remelin M Gargantos
