Davao City – Arestado ang tinaguriang Top 1 City High Value Individual at nasabat ang tinatayang Php218,720 halaga ng shabu sa isinagawang buy-bust operation sa Ponce Suazo Street, Brgy. 28-C, Davao City nito lamang Pebrero 22, 2023.
Kinilala ni Police Lieutenant Colonel Ronald Lao, Station Commander ng Sta. Ana Police Station, ang suspek na si alyas “Muslimen”, Top 1 City High Value Individual, 27, residente ng Brgy. 21-C Paipi Boulevard, Davao City.
Naaresto ang suspek matapos mahuli sa akto ang pagbebenta ng ilegal na droga sa nagpanggap na poseur buyer ng mga tauhan ng Sta. Ana PNP na nagresulta sa pagkarekober mula sa suspek ang ilang pakete ng hinihinalang shabu na may bigat na 13.67 gramo na may tinatayang halaga na Php218,720 at marked money.
Nahaharap sa kasong paglabag sa Republic Act 9165 o Comprehensive Dangerous Drugs Act of 2002 ang naturang suspek.
Ang pagkakadakip sa suspek ay resulta ng mas maigting na kampanya ng Stay. Ana PNP upang masiguro na ligtas at maayos ang komunidad.
Panulat ni Patrolman Alfred Vergara/RPCADU11
