Nueva Vizcaya – Idineklara bilang isang Drug-free Workplace ang 1st at 2nd Nueva Vizcaya Provincial Mobile Force Company sa pakikipagtulungan ng Philippine Drug Enforcement Agency nitong ika-21 at ika-22 ng Pebrero 2023 na idinaos sa Brgy. Sta Maria, Dupax del Sur at Bayombong, Nueva Vizcaya.
Pinangunahan ni Police Lieutenant Colonel Marvin Follante, DPDA ng NVPPO sa ilalim ng pangangasiwa ni Police Colonel Camlon P Nasdoman, Provincial Director, ang dalawang magkahiwalay na aktibidad.
Samantala, nasaksihan din nina Police Lieutenant Colonel Godofredo Wasin, DPDO, Police Lieutenant Colonel Orlando M Tacio, Chief, Police Community Affairs and Development unit PCADU, IAV Jojo C Gayuma, PDEA Provincial Officer ang paglalahad.
Taos pusong nagpasalamat naman sina Police Lieutenant Colonel Joefrey B Bulong, Force Commander ng 1st Nueva Vizcaya PMFC at ni Police Lieutenant Colonel Joberman A Videz, Force Commander ng 2nd Nueva Vizcaya dahil matagumpay nilang nalampasan ang lahat ng screening at requirements upang maging ganap na drug-free workplace.
Ipinaabot naman ni PDEA Provincial Officer ang kanilang pagbati sa pagkilalang natanggap ng Nueva Vizcaya PMFC, sapagkat napakaimportante ito bilang isa sa mga ahensyang nangunguna sa pagsupil ng ilegal na droga.
Source: 1st and 2nd Nueva Vizcaya PMFC
Panulat ni PCpl Harry B. Padua
