Camarines Norte – Arestado ang isang dalaga sa isinagawang operasyon ng Daet PNP sa kasong 4 Counts of Qualified Theft sa Purok 4, Barangay Magang, Daet, Camarines Norte nito lamang ika-21 ng Pabrero 2023.
Kinilala ni PLtCol Arnel De Jesus, Hepe ng Daet Municipal Police Station, ang akusado na si alyas “Lyn”, 25, dalaga at residente ng nabanggit na lugar.
Ayon kay PLtCol De Jesus, bandang 2:55 ng hapon nang maaresto ang akusado ng mga tauhan ng Tracker Team ng Daet MPS katuwang ang Provincial Tracker Team 2nd District sa bisa ng Warrant of Arrest para sa kasong 4 counts of Qualified Theft na may rekomendadong piyansa na Php12,000 para sa bawat kaso.
Ang PNP Bicol ay patuloy na magsasagawa ng ganitong klaseng operasyon upang mahuli ang mga taong may pananagutan sa batas.
Source: Camarines Norte PPO
