Albay – Tinatayang Php442,000 halaga ng ilegal na droga ang nakumpiska sa maglive-in partner sa inilunsad na buy-bust operation ng Albay PNP sa Purok-1, Barangay 34-Oro Site, Legazpi City, Albay nito lamang Pebrero 21, 2023.
Kinilala ni PLtCol Dennis Balla, Hepe ng Legazpi City Police Station, ang mga suspek na sina Mensuary A. Cadayon, 33 at si Jocelyn S. Dado, 32, parehong residente ng nabanggit na lugar.
Ayon kay PLtCol Balla, ikinasa ang operasyon bandang 9:48 ng umaga sa nasabing lugar ng pinagsanib na mga operatiba ng Legazpi City Police Station at Regional Police Drug Enforcement Unit 5- Albay sa pakikipag-ugnayan sa PDEA RO5.
Nakumpiska mula sa mga suspek ang 13 piraso ng heat-sealed transparent plastic sachet ng hinihinalang shabu na may tinatayang timbang na 65 gramo na may street value na Php442,000.
Mahaharap ang mga suspek sa kasong paglabag sa RA 9165 o ang Comprehensive Dangerous Drugs Act of 2002.
Ang matagumpay na operasyon ay bunga ng walang tigil at mas pinaigting na kampanya ng Albay PNP kontra ilegal na droga upang mapanatili ang kaayusan at gawing drug free ang lalawigan mula sa ipinagbabawal na gamot.
Source: Legazpi CPS Albay PPO
