Isabela – Matagumpay na iginawad kay Tatay Alfredo Baquirin ng Brgy. Patanad, San Isidro, Isabela ang pang ika-46 na Libreng Pabahay Project ng Isabela PNP sa pamamagitan ng PRO2 PNP Community Outreach Program na handog ng San Isidro Police Station na mahusay na pinamumunuan ni Police Major Grandeur Tangonan, noong ika-20 ng Pebrero 2023.
Ang Blessing at Turn-over ng pabahay na nagkakahalaga ng Php150,000 ay pinangunahan nina PCol Julio R GO, Provincial Director ng Isabela PPO; PLtCol Michael A Aydoc, at PMaj Granddeur M Tangonan kasama ang IAS Focal Person; LGU Officials; Municipal Advisory Council; Municipal Disaster Risk Reduction Management; Peace and Order Council; United Methodist Church at miyembro ng National Coalition ng Lingkod Bayan Advocacy Support Group at Force Multipliers.
Bukod sa Libreng Pabahay ay nakatanggap rin si tatay Alfredo ng isang sakong bigas at mga grocery items.
Ang naturang aktibidad ay sumusuporta sa EO No. 70 (NTF-ELCAC) na naging matagumpay at posible dahil sa patuloy na suporta ng iba’t ibang stakeholders na ang layunin ay makatulong at makapaghandog ng disenteng pamamahay para sa mga Isabelinong lubos na nangangailangan.
Source: Isabela PPO, PIO
Panulat ni PSSg Jerlyn V Animos
