Cebu City – Timbog ang isang lalake na drug suspek sa inilunsad na buy-bust operation ng Regional Police Drug Enforcement Unit (RPDEU) 7 sa Sitio Pansang, Barangay Inayawan, Cebu City, noong Linggo, Pebrero 19, 2023.
Kinilala ni Police Lieutenant Colonel Lymel John Pasquin, Officer-In-Charge, RPDEU 7, ang naarestong suspek na si “Lemuel”, 34, mekaniko, residente ng Sitio Palwa Maria ng naturang barangay.
Ayon kay PLtCol Pasquin, nadakip ang suspek dakong alas-11:55 nang umaga matapos makumpiskahan ng nasa 150 gramo ng hinihinalang shabu na may halaga na Php1,020,000.
Mahaharap ang suspek sa kasong paglabag sa RA 9165 (Comprehensive Dangerous Drugs Act of 2002).
Pinuri naman ni Police Brigadier General Jerry Bearis, Regional Director ng Police Regional Office (PRO) 7, ang mga operatiba sa likod ng matagumpay na operasyon.
Kasunod nito ay tiniyak ng Direktor ang patuloy na pagpapaigting at pagpapahusay ng kampanya kontra ilegal na droga maging sa lahat ng kriminalidad para sa pagpapanatili ng kaayusan at kapayapaan sa buong rehiyon.
