Misamis Oriental – Nagsagawa ng Outreach Program ang mga tauhan ng 2nd Provincial Mobile Force Company ng Misamis Oriental Police Provincial Office nito lamang Sabado, Pebrero 18, 2023.
Ito ay pinangunahan ni Police Lieutenant Colonel Mardy Hortillosa II, Force Commander ng 2nd Provincial Mobile Force Company at Police Captain Larry Malagamba, Team Leader ng Revitalized-Pulis Sa Barangay (R-PSB) Team Barangay Bagocboc, Nangcaon, Tingalan (BANATI) Opol, Misamis Oriental.
Sa naturang programa ay nagkaroon ng pamimigay ng food packs na naglalaman ng bigas, delata at instant noodles.
Bukod dito, mayroon ding libreng gupit na isinagawa ng nasabing grupo.
Sa kabuuan nasa mahigit kumulang 100 benepisyaryo ang masayang nakatanggap ng naturang serbisyo.
Patuloy ang Misamis Oriental PNP sa paghahatid ng dekalidad na serbisyo sa ating kababayan upang maipadama ang kalinga at malasakit sa mga mamamayan.
Panulat ni Patrolman Edwin Baris/RPCADU10
