Oriental Mindoro – Timbog ang isang lalaki sa isinagawang Anti-illegal Drug Operation (Buy-Bust) ng Puerto Galera Municipal Police Station sa Sitio Aguada, Barangay Poblacion, Puerto Galera, Oriental Mindoro noong ika-17 ng Pebrero 2023.
Kinilala ni Police Captain Kim Badillo, Acting Chief of Police ng Puerto Galera MPS, ang suspek na may alyas na “Boni”, residente ng Puerto Galera, Oriental Mindoro.
Ayon kay PCpt Badillo, naaresto ang suspek ng mga tauhan ng Puerto Galera MPS kasama ang mga tauhan ng Oriental Mindoro Provincial Drug Enforcement Unit.
Ayon pa kay PCpt Badillo nakuha sa suspek ang isang sachet na naglalaman ng pinaghihinalaang shabu kapalit ng halagang limandaang piso, dahilan upang siya’y arestuhin ng mga awtoridad.
Kumpiskado din mula sa suspek ang apat pang sachet na naglalaman ng pinaghihinalaang shabu, brown tissue at isang cellphone na nasaksihan ng media representative at mga Barangay Official.
Samantala, nahaharap ang suspek sa kasong Violation of Section 5 at 11 ng Republic Act 9165 o kilala bilang “Comprehensive Dangerous Drugs Act of 2002.”
Ang Pambansang Pulisya ay hindi titigil sa kampanya laban sa pagsugpo sa kriminalidad, droga at terorismo para sa kaligtasan ng mamamayan at ng bansa.
Panulat ni Patrolman Erwin Calaus
