Cagayan de Oro City – Tinatayang Php442,000 halaga ng hinihinalang shabu ang nasabat sa buy-bust operation ng City Drug Enforcement Unit ng Cagayan de Oro City Police Office sa Zone 8, Upper Canitoan, Cagayan de Oro City bandang 2:00 ng hapon nito lamang ika-17 ng Pebrero 2023.
Kinilala ni Police Colonel Aaron Mandia, City Director ng Cagayan de Oro City Police Office, ang suspek na si alyas “Gagang”, 40 anyos, at residente ng nasabing lugar.
Sa naturang operasyon, nakumpiska ang anim na pakete ng hinihinalang shabu na may timbang na 65 gramo na tinatayang nagkakahalaga ng nasa Php442,000, isang digital weighing scale, isang brown sling bag at isang pirasong Php500 bill na ginamit bilang buy-bust money.
Nahaharap ang suspek sa kasong paglabag sa Sec 5 at 11 Art II ng RA 9165 o Comprehensive Dangerous Drugs of 2002.
Ang pagkakahuli sa suspek ay bunga ng pagpapaigting sa paglaban sa ilegal na droga ng Cagayan de Oro City PNP para mapanatili na maayos at payapa ang nasasakupang komunidad.
Panulat ni Patrolman Joshua Fajardo/RPCADU10
