Naga City – Arestado ang isang lalaki na tulak ng ilegal na droga sa isinagawang buy-bust operation ng Naga City PNP sa Plaza View Hotel, Zone 1, Barlin Street, Barangay Sta. Cruz, Naga City nito lamang Pebrero 17, 2023.
Kinilala ni Police Major Rey Alvarez, Station Commander ng Police Station 1 ng Naga City Police Office, ang naarestong suspek na si Danny D. Morico, 30, may asawa, mekaniko at residente ng Zone 6 Puro, Canaman, Camarines Sur.
Ayon kay PMaj Alvarez, bandang 11:05 ng gabi ng maaresto ang suspek ng pinagsanib na mga operatiba ng Naga City Police Station 1, Naga City Mobile Force Company at Naga City Intelligence Unit sa pakikipag-ugnayan sa PDEA RO5.
Nakumpiska mula sa suspek ang limang (5) piraso ng selyadong plastik na pakete ng hinihinalang shabu na may tinatayang timbang na isang (1) gramo na may market value na Php6,800.
Mahaharap ang suspek sa kasong paglabag sa RA 9165 o ang Comprehensive Dangerous Drugs Act of 2002.
Ang tagumpay ng PNP Bikol sa pagsugpo ng ilegal na droga ay bunga ng pinaigting na kampanya laban dito upang mahuli ang mga taong nagpapakalat at gumagamit nito para mapanatiling ligtas at maayos ang komunidad.
Source: PNP Naga NCPO
