Camarines Sur – Timbog ang isang incumbent Barangay Kagawad na kabilang sa listahan ng High Value Individual sa ikinasang buy-bust operation ng Camarines Sur PNP sa Barangay Kilomaon, Sagñay, Camarines Sur nito lamang ika-17 ng Pebrero 2023.
Kinilala ni Police Major Micheal Albania, Hepe ng Sagñay Municipal Police Station, ang suspek na si alyas “Wad”, 47, isang drug surrenderee, nanunungkulan bilang isang Barangay Kagawad at residente ng Zone 2, Barangay Kilomaon, Sagñay, Camarines Sur.
Ayon kay PMaj Albania, bandang 5:45 ng hapon ng isinagawa ang operasyon ng pinagsanib na mga operatiba ng Sagñay MPS at Camarines Sur Provincial Intelligence Unit sa pakikipag-ugnayan sa PDEA RO5.
Nakumpiska mula sa suspek ang dalawang (2) piraso ng heat-sealed transparent sachet ng hinihinalang shabu na may timbang na 0.23 na gramo na may market value na Php1,564.
Mahaharap ang suspek sa kasong paglabag sa RA 9165 o Comprehensive Dangerous Drugs Act of 2002.
Patuloy ang Camarines Sur PNP sa pagsasagawa ng mga operasyon kontra ilegal na droga at kriminalidad upang mapanatili ang kaligtasan at kapayapaan ng bawat mamamayan.
Source: Sañgay Mps Csppo
