Pangasinan – Arestado ang isang Top 2 Municipal Most Wanted Person sa patuloy na isinasagawang Manhunt Charlie operation ng mga tauhan ng Bani Police Station sa Brgy. Quinaoayanan, Bani, Pangasinan nito lamang ika-17 ng Pebrero 2023.
Kinilala ni Police Major Dennis Cabigat, Officer-In-Charge ng Bani Police Station, ang suspek na si alyas Armando, 57 at residente ng nabanggit na lugar.
Ayon kay PMaj Cabigat, naaresto ang suspek sa bisa ng Warrant of Arrest sa kasong Frustrated Murder na may rekomendadong piyansa na Php200,000.
Ang Bani PNP ay hindi titigil sa kanilang mga operasyon na isinasagawa hanggang hindi pa nahuhuli ang lahat ng MWP sa lungsod na kanilang nasasakupan.
Source: Bani Police Station
