Isabela – Nagsagawa ng Supplemental Feeding ang Police Station 4 ng Santiago PNP na ginanap sa Mabini Day Care Center, Mabini, Santiago City nitong ika-16 ng Pebrero 2023.
Pinangunahan ni PLt Rosemarie Moreno ang pagsagawa ng aktibidad katuwang ang LGU Santiago sa pangunguna ni Councilor Jamayne C Tan.
Natuwa ang mga mag-aaral hindi lamang dahil masarap ang inihanda para sa kanila kundi dahil itong aktibidad ay madalas isagawa ng Santiago PNP. Kaya naman makikita ang kapanatagan nila sa kapulisan.
Layunin ng aktibidad na ito na makapagdulot ng tamang nutrisyon sa mga bata lalo na sa mga hindi pa nag-aalmusal bago pumasok sa paaralan.
Ito ay isa din sa mga paraan ng kapulisan na mapaigting ang ugnayan sa lokal na pamahalaan para sa pagsasagawa ng mga kapaki-pakinabang na aktibidad sa komunidad.
Source: PS4, Santiago City
Panulat ni PSSg Jerlyn V Animos
