Sorsogon – Nagsagawa ng KASIMBAYANAN Weekly Interactive Meeting (KWIM) ang mga tauhan ng Donsol MPS ng Sorsogon PPO sa Barangay Gimagaan, Donsol, Sorsogon nito lamang Pebrero 15, 2023.
Ang nasabing aktibidad ay pinangunahan ni PSSg Ronnie Trestiza, PCAD PNCO ng nasabing himpilan katuwang ang mga tauhan ng Sorsogon 2nd Provincial Mobile Force Company, Faith-Based Group, Community Adviser at aktibong nilahukan ng Barangay Officials ng nasabing lugar.
Nagkaroon ng talakayan patungkol sa kahalagahan ng pagsugpo sa ilegal na droga at insurhensiya sa kanilang nasasakupan na malaki ang maitutulong ng komunidad sa tulong ng Simbahan upang makamit ang kapayapaan at pag-unlad sa kanilang lugar.
Ang aktibidad na ito ay nakaangkla sa Peace and Security Framework ni PGen Rodolfo S Azurin Jr., Chief PNP na MKK=K o ang Malasakit, Kaayusan, Kapayapaan tungo sa Kaunlaran sa pamamagitan ng KASIMBAYANAN na naglalayong mas mapalakas ang ugnayan ng Kapulisan, Simbahan at Pamayanan tungo sa pagkakaisa at pagtutulungan ng bawat mamamayan.
