Leyte – Nagsagawa ng Community Outreach Program ang mga tauhan ng Headquarters Regional Maritime Unit 8 at Tacloban City Maritime Police Station sa Brgy. 37, Reclamation Area Tacloban City, Leyte, nito lamang ika-15 ng Pebrero 2023.
Ang aktibidad ay pinangunahan ni Police Captain Elvira F Makabenta, Chief Admin ng HRMU8 at Police Captain Ibnohasan R Amilasan Jr, OIC ng Tacloban City MARPSTA katuwang ang Barangay Officials, Savior of the Sea Volunteers at mga Barangay Tanod.
Naisagawa ang aktibidad sa pamamagitan ng feeding program sa humigit kumulang 100 na mga bata ng nabanggit na lugar.
Ang naturang aktibidad ay kaugnay sa patuloy na pagdiriwang ng One Time Big Time PCR Activities na bahagi ng programang KASIMBAYANAN, na alinsunod din sa programa ng Hepe ng Pambansang Pulisya na MKK=K o Malasakit, Kaayusan, Kapayapaan tungo sa Kaunlaran na naglalayong mas mapagtibay ang ugnayan ng PNP at komunidad para sa mas ligtas at maayos na pamayanan.
