Sarangani – Inilunsad ng Sarangani PNP ang “Buhay Ingatan, Droga’y Ayawan” o BIDA Roll-out kaugnay sa Revitalized PNP KASIMBAYANAN o Kapulisan, Simbahan, at Pamayanan ng Sarangani Police Provincial Office sa Alabel Municipal Gymnasium, Brgy. Poblacion, Alabel, Sarangani Province nito lamang ika-15 ng Pebrero 2023.
Pinangunahan ni PCol Nicomedes Olaivar Jr, Provincial Director, ang naturang aktibidad. Naging pangunahing pandangal naman si Engr. Samuel A. Camaganacan, Provincial Director ng DILG Sarangani.
Nilahukan din ito ng pitong Municipal Police Station ng Sarangani, Sarangani Provincial Mobile Force Company, Office of Provincial Prosecutor, PDEA, BJMP, Philippine Army, BFP, Lokal na Pamahalaan ng Alabel at iba pang mga Advocacy Support Group.
Sinimulan ang programa sa pagsasayaw ng Zumba kasunod nito ay nagsagawa ng Unity Walk simula Alabel National High School hanggang sa Alabel Gymnasium, Sarangani Province.
Ang highlights ng programa ay ang Sarangani PPO Accomplishments ng BIDA Program Testimonies ng People of Who Use Drugs (PWUDs), mga mensahe ng Support Group, Ceremonial Awarding, Solar installation demo by TESDA Malapatan.
Ang aktibidad ay nilahukan ng humigit kumulang 1,000 kalahok.
Ang Buhay Ingatan, Droga’y Ayawan o BIDA Program ay isang National Anti-Illegal Drugs Advocacy Program na may layuning pagtibayan ang implementasyon ng Drug Demand Reduction ng bansa katuwang ang Local Government Unit, National Government Agencies, Partner Organizations at Police Regional Office 12 na lumalaban sa pagkalat ng ilegal na droga upang mapanatili ang maayos at payapang komunidad.
Panulat ni Patrolman Jerrald Gallardo
