Isabela – Umarangkada ang Isabela Police Provincial Office sa kanilang Valentine’s Day Outreach Program sa mga estudyante ng Isabela SPED Center Extension sa Brgy. Alibagu, Lungsod ng Ilagan, Isabela nito lamang Martes, ika-14 ng Pebrero 2023.
Pinangunahan ni Police Lieutenant Colonel Michael Aydoc, Chief, PCADU sa pangangasiwa ni Police Colonel Julio Go, Provincial Director ng Isabela PPO katuwang ang Isabela Officers Ladies Club, Skin Empire Aesthetic at Laser Center na patuloy ang pagsuporta sa mga aktibidad ng Isabela PNP.
Sa naturang programa ay masayang ipinamahagi ang mga food packs at loot bags, kasabay ang pagsasagawa ng Project AKLAT, Buklat MULAT “Libro ay BUKLATin- Mag-aral Upang Landas Ay Tumuwid” na may 81 estudyante ang nahandugan ng libreng school supplies at alcohol.
Ang aktibidad ay isang halimbawa at simpleng paraan ng Isabela PNP para magbigay ng kasiyahan sa mga mamamayan hindi lamang sa araw ng mga puso kung hindi sa lahat ng oras at pagkakataon.
Source: Isabela PPO
Panulat ni Police Staff Sergeant Jermae D Javier
