Quezon City – Isinagawa ang cascading ng Revitalized PNP KASIMBAYANAN o Kapulisan, Simbahan at Pamayanan sa lahat ng mga miyembro ng Police Community Affairs and Development Group (PCADG) sa Audio-Visual Room, PNP Museum, Camp Brigadier Gen. Rafael T. Crame, Quezon City nito lamang Huwebes, Pebrero 16, 2023.
Mainit na tinanggap ni Police Colonel Lou Evangelista, Director ng PCADG ang grupo na pinangunahan ni Police Captain Jonathan Reyes, Team Leader ng KASIMBAYANAN Monitoring Team.
Binigyang diin ni PCpt Reyes ang kahalagahan ng shared responsibility ng Kapulisan at Simbahan, kung saan kaagapay ng pulisya ang mga lider ng iba’t ibang religious groups bilang isang Community Adviser na magiging gabay sa pagtupad at pagkamit ng kaayusan at kapayapaan tungo sa maunlad na pamayanan.
Panulat ni PSSg Grace Neville Ortiz
