Camarines Norte – Boluntaryong sumuko ang isang lalaki sa kasong paglabag sa Section 15, Article II ng RA 9165 ng Daet PNP sa Barangay Pamorangon, Daet, Camarines Norte nitong Lunes Pebrero 13, 2023.
Kinilala ni Police Lieutenant Colonel Arnel De Jesus, Chief of Police ng Daet Municipal Police Station, ang sumuko na si alyas “Obet”, 42, may asawa, isang tindero at residente ng Purok 7, Barangay IV, Daet, Camarines Norte.
Ayon kay PLtCol De Jesus, boluntaryong sumuko si alyas “Obet” kay Police Corporal Alvin Mago kaugnay sa kanyang Warrant of Arrest para sa kasong paglabag sa Section 15, Article II ng RA 9165 na may rekomendadong piyansa na Php200,000.
Ayon pa kay PLtCol De Jesus, dinala ang nasabing personahe sa kanyang court of origin at napag-alamang may isa pa itong standing Warrant of Arrest.
Agad inihain ng mga tracker team ng Daet MPS at 2nd District ang Warrant of Arrest para sa kasong Section 11, Article II ng RA 9165 o Comprehensive Dangerous Drugs Act of 2002 na may rekomendadong piyansa na Php200,000.
Ang Pambansang Pulisya ay patuloy sa paghikayat sa mga taong may kasalanan sa batas na sumuko upang mapanagutan ang kasalanang kanilang nagawa.
Source: Camarines Norte PPO
