Pangasinan – Arestado ng PNP ang Top 1 Most Wanted Person sa bisa ng Warrant of Arrest sa kasong Statutory Rape nito lamang February 14, 2023.
Kinilala ni Police Lieutenant Colonel Jose Abaya, Officer-In-charge ng San Carlos PS, ang suspek na si alyas “Michael”, 18, nakatira sa Brgy. Gamata, San Carlos City, Pangasinan.
Ayon pa kay PLtCol Abaya, bandang 10:43 ng umaga naaresto ang suspek sa Brgy. Bugallon, Posadas, San Carlos City, Pangasinan ng mga operatiba ng San Carlos City PS kasama ang Provincial Intelligence Unit, Pangasinan PPO, Provincial Investigation Detective Management Unit, at Regional Intelligence Division PRO1.
Ayon pa kay PLtCol Abaya, si Muerong ay naaresto sa bisa ng Warrant of Arrest sa kasong Statutory Rape at walang rekomendadong piyansa.
Ang tagumpay ng operasyon ay bunga ng magandang ugnayan at samahan ng mga kapulisan at mamamayan para mapanatiling ligtas ang komunidad sa anumang krimen.
Source: San Carlos City, Police Station, Pangasinan
Panulat ni Pat Dennis P Carinal
