Cagayan – Umarangkada ang Project PDLigaya ng 1st Cagayan Provincial Mobile Force Company upang magbigay saya sa mga Persons Deprived of Liberty (PDL) sa Tuguegarao City District Jail, Cataggaman, Tuguegarao City, Cagayan nitong Linggo, Pebrero 12, 2023.
Sentro ng nasabing programa ang isang concert kung saan hinarana ng Cagayan Police Provincial Office Band ang mga PDLs na labis naman na ikinatuwa ng mga ito.
Maliban dito, nagkaroon din ng isang simpleng feeding activity para sa mga benepisyaryo.
Ayon kay Police Lieutenant Colonel Vincent C Maguddayao, Force Commander ng Cagayan PMFC, nagbigay ng boluntaryong kontribusyon ang mga kapulisan mula sa kanilang himpilan sa kagustuhang mapasaya at maipadama sa mga nakapiit sa bilangguan ang pagmamahal at pagpapahalaga sa araw ng mga puso.
Patunay lamang ang proyekto na ang hanay ng kapulisan at pamahalaan ay walang pinipiling sitwasyon at antas sa buhay. Handa ang PNP sa pagbibigay ng tulong, pagpapakita ng malasakit, at paghahatid ng serbisyo para sa lahat.
Source: First Cagayan Provincial Mobile Force Company
Panulat ni Police Staff Sergeant Mary Joy D Reyes
