Camarines Norte – Arestado ang isang tinaguriang Rank 10 Municipal Most Wanted Person ng Vinzons, Camarines Norte sa kasong tatlong bilang ng Acts of Lasciviousness ng Vinzons PNP sa Purok 6, Barangay Calangcawan Norte, Vinzons, Camarines Norte nito lamang Pebrero 12, 2023.
Kinilala ni Police Major Arkhemedes C Garcia, Chief of Police ng Vinzons Municipal Police Station, ang suspek na si alyas “Win”, 27, binata, mangingisda at residente ng Sitio Biday, Barangay Banocboc, Vinzons, Camarines Norte.
Ayon kay PMaj Garcia, naaresto ang akusado sa bisa ng Warrant of Arrest ng pinagsanib na mga tauhan ng Vinzons MPS, Provincial Tracker Team 2nd District at Mercedes MPS para sa kasong tatlong bilang ng Acts of Lasciviousness Article 336 ng Revised Penal Code na may rekomendadong piyansa na Php36,000.00 bawat isa.
Ang Pambansang Pulisya ay patuloy sa paghahanap at pag-aresto sa mga taong may pananagutan sa batas upang maibigay sa mga naging biktima ang hustisyang nais nilang makamit.
Source: Camarines Norte PPO
