Sultan Kudarat – Umabot sa mahigit 300 indibidwal ang naging benepisyaryo at natulungan ng Community Outreach Program ng Sultan Kudarat PNP sa Purok Islam, Brgy. Griño, Tacurong City, Sultan Kudarat noong ika-12 ng Pebrero 2023.
Ang naturang programa ay pinangunahan ng mga kapulisan ng 1st Sultan Kudarat Provincial Mobile Force Company katuwang ang International Order Free Gardeners Charity Program at iba pang stakeholders ng Sultan Kudarat PNP.
Ayon kay PLtCol Hoover Antonio, Force Commander ng 1st SKPMFC, mahigit 300 indibidwal ang nakatanggap ng libreng gupit, feeding program at food packs.
Lubos na pasasalamat naman ang tugon ng mga naging benepisyaryo ng naturang aktibidad.
Ikinalugod naman ni PLtCol Antonio ang maayos na pagpapatupad at pamamahagi ng tulong ng kanyang mga tauhan sa naturang lugar.
Kaugnay nito, tiniyak ni Force Commander Antonio na patuloy ang Sultan Kudarat PNP sa paghahatid ng mga dekalidad na serbisyo sa malalayong lugar upang maramdaman ang malasakit ng PNP na kaugnay sa CPNP Peace and Security Framework na M+K+K=K o ang Malasakit, Kaayusan, Kapayapaan tungo sa Kaunlaran at ang KASIMBAYANAN o Kapulisan, Simbahan, Pamayanan Program.
Panulat ni Patrolman Khnerwin Jay A Medelin
