Zamboanga City – Arestado ang isang lalaki sa isinagawang Law Enforcement Operation ng mga awtoridad nito lamang Lunes, Pebrero 13, 2023.
Kinilala ni Police Colonel Alexander Lorenzo, Acting City Director, ang naarestong suspek na si alyas “Das Mualidan”, walang asawa at residente ng Sitio Alas-As, Brgy. Sinunuc, Zamboanga City.
Ayon kay PCol Lorenzo, bandang 1:40 ng madaling araw nang naaresto ang suspek sa kanyang tirahan ng mga operatiba ng 2nd Zamboanga City Mobile Force Company, Zamboanga City Police Station 2 & 8, City Intelligence Unit, Technical Support Company ng Regional Mobile Force Battalion 9 sa bisa ng Warrant of Arrest sa kasong paglabag sa RA 6539 o Anti-Carnapping Act of 1972 na may inirekomendang piyansa na Php180,000.
Ang Pambansang Pulisya ay patuloy sa mandato na ipatupad ang batas at siguraduhin ang kaligtasan ng mamamayan.
Panulat ni Patrolman John Ronald Tumonong/RPCADU9
