Laguna – Arestado ang 13 personalidad sa ilegal na sabong sa isinagawang operasyon ng San Pablo PNP at ng Regional Special Operation Unit 4A sa Brgy. San Isidro, San Pablo City, Laguna nito lamang Linggo, Pebrero 12, 2023.
Kinilala ni Police Colonel Randy Glenn Silvio, Acting Provincial Director, Laguna Police Provincial Office, ang mga suspek na sila alyas Pepe, Rodencio, Sabino, Felix, Romeo, Ronilo, Jefferson, Felix, Ranie, Marlon, Eufemio, Gil at Edgar.
Ayon kay PCol Sivio, bandang 1:15 ng hapon naaresto ang mga suspek na aktong naglalaro ng ilegal na sabong sa naturang barangay sa ikinasang anti-illegal gambling operation.
Nakumpiska sa mga suspek ang apat na manok panabong, apat na pirasong tari, mga paraphernalia at bet money na nagkakahalaga ng Php5,360.
Nahahararap ang mga suspek sa kasong paglabag sa Presidential Decree 1602 o Anti-Gambling Law.
“Sa pakikipagtulungan ng ating mga kababayan at sa mabilis na aksyon ng ating kapulisan ay mas mapapanatili natin ang kapayapaan dito sa lalawigan ng Laguna kaya hinihikayat ko kayo na ipagbigay alam sa ating kapulisan kung meron mga ilegal na gawain dito sa lalawigan ng Laguna”, ani PCol Silvio.
Panulat ni PEMS Joe Peter Cabugon/RPCADU4A
