Ilocos Sur – Nagsagawa ng Tree Planting Activity ang Cabugao PNP sa Brgy. Sabang, Cabugao, Ilocos Sur nito lamang Sabado, ika-11 ng Pebrero 2023.
Ayon kay Police Lieutenant Steve Riduca, Deputy Chief of Police ng Cabugao PNP, naging katuwang nila sa nasabing aktibidad ang Community Adviser na si Pastor Rodelio Amolong, PNP Maritime, at mga miyembro ng Barangay Based at KaligKasan Advocacy Group.
Dagdag pa ni Police Lieutenant Riduca, nasa 1,500 Mangrove seedlings ang kabuuan na kanilang naitanim sa naturang aktibidad.
Layunin ng aktibidad na ipamalas ang kahalagahan ng pagtatanim at pag-iingat ng mga puno at ipakita ang pagmamahal sa komunidad at kamalayan sa climate change.
Samantala, patuloy naman ang Cabugao PNP kasama ang iba’t ibang organisasyon sa pagsasagawa ng mga aktibidad na may kinalaman sa pag-aalaga at pagpapaganda ng kalikasan.
Source: Cabugao Municipal Police Station
