Nueva Vizcaya – Muling ipinamalas ng 4th Platoon ng 1st Nueva Vizcaya PMFC ang pagmamalasakit sa kapwa sa isinagawang Outreach Program na idinaos sa Brgy. Salinsingan, Ambaguio, Nueva Vizcaya nito lamang ika-11 ng Pebrero 2023.
Sa pangangasiwa ni Police Lieutenant Colonel Joefrey Bulong, Force Commander ng 1st Nueva Vizcaya PMFC at sa pakikipagtulungan ni Ginoong Wensendo Magaway at Ginang Joanna Manzano na pawang mga licensed massage therapist ay matagumpay na naidaos ang aktibidad.
Nakapagbahagi ang grupo ng mga food packs at iba pang mga serbisyo gaya ng Libreng Gupit, BP monitoring at Libreng Masahe para sa mga dumalo sa nasabing aktibidad.
Kabilang din sa nasabing aktibidad ay ang pagtalakay sa kampaya laban sa ilegal na droga at kampaya kontra terorismo.
Labis naman na ikinagalak ng mga residente ng nasabing lugar dahil sila ang napiling handugan ng libreng benepisyo.
Layunin nito na maipadama ang malasakit sa kapwa sa pamamagitan ng pagbibigay ng kanilang pangangailangan upang mas lalong mapagtibay ang ugnayan ng Pulisya at ng Komunidad.
Source: 1st Nueva Vizcaya PMFC
Panulat ni PCpl Harry B Padua
