Rizal – Arestado ang isa sa Top 10 sa target list ng Antipolo City Police at isa pang lalaki sa isinagawang Controlled Delivery Operation ng PNP at PDEA sa Robinsons Mall, Brgy San Isidro, Antipolo City, Rizal noong Pebrero 11, 2023.
Kinilala ni Police Colonel Rhoderick Campo, Chief ng AVSEU NCR, ang mga suspek na sina alyas “Mar” (Top Ten target listed in Antipolo), 45, binata, vendor, residente sa San Isidro, Antipolo City, Rizal at si alyas “Rey”, 28, binate, businessman, residente sa Parang, Angono, Rizal.
Ayon kay PCol Campo, naaresto ang mga suspek bandang alas-9 ng umaga ng mga miyembro ng NAIA Inter-Agency Drug Interdiction Task Group (NAIA-IADITG) at ng Aviation Security Unit NCR, kasama ang PDEA Rizal Provincial Office at Antipolo City Police Station.
Ayon pa kay PCol Campo, isang inbound parcel mula USA na naglalaman ng 12,000 gramo ng tuyong dahon ng hinihinalang Marijuana na nagkakahalaga ng humigit kumulang Php16,800,000 at 350 ml na hinihinalang liquid Marijuana na nagkakahalaga ng humingit kumulang Php17,500.00 ang nakapangalan kay alyas Mar.
Ayon naman sa PDEA Rizal Provincial Office, ang nasabat na inbound parcel ay may laman na 25 vacuum-sealed na transparent bag, at ang bawat isa ay may nilalaman na T-shirt at isa pang selyadong bag na may pinatuyong dahon na may pinagsamang bigat na 12,000 gramo, 4 pang selyadong transparent plastic bag na may 350 na vape cartridges na may laman na 10ml na yellowish liquid substance bawat isa, isang blue clipboard, isang resibo ng parcel, isang kopya ng invoice, at dalawang cellphone.
Ang dalawang suspek ay nahaharap sa kasong paglabag sa RA 9165 o Comprehensive Dangerous Drugs Act of 2002.
“Ang sunod-sunod na matagumpay na operasyon kontra ilegal na droga sa pamamagitan ng Controlled Delivery Operation ay malaking bagay sa kampanya ng PNP at PDEA laban sa ilegal na droga”, ayon kay PBGen Anthony A Aberin, Director ng Aviation Security Group.
