Lanao del Norte – “Buhay Ingatan, Droga’y Ayawan” o BIDA Program Lecture ay isinagawa ng Bacolod PNP katuwang ang Religious Sector at Regional Health Unit para sa mga miyembro ng Youth Organization sa Brgy. Kahayag Bacolod, Lanao del Norte nito lamang ika-10 ng Pebrero 2023.
Ang aktibidad ay pinangunahan ni Police Major Bonn Pagaduan, Officer-In-Charge ng Bacolod Municipal Police Station kasama ang kinatawan mula sa Religious Sector sa pangunguna ni Pastor Maximo Canoy Jr. at Regional Health Unit sa pamumuno ni Mr. Richard Tan.
Sa nasabing aktibidad ay nagsagawa ng lecture sa Anti-Illegal Drugs Awareness kaugnay sa BIDA Program, Anti-Bastos Law, Anti-Bullying, HIV AIDS, Adolescent Health and Development, Teenage Pregnancy, Ill Effects on Illegal Drugs at Devine Intervention of KASIMBAYANAN o Kapulisan Simbahan at Pamayanan.
Ang naturang aktibidad ay masayang nilahukan ng 55 na miyembro ng Youth Organization at mga kabataan.
Isinasagawa ang ganitong uri ng aktibidad upang maipakita sa mga kabataan ang malasakit ng Bacolod PNP at iba pang stakeholders na may layuning mabigyan ng sapat na kaalaman para sa maayos at payapang buhay na magdadala sa kaunlaran.
Panulat ni Patrolman Joshua Fajardo/RPCADU10
